بتحطي صورك على الفيس بوك!! ممكن لحظة!

الجمعة يناير 28, 2011 5:21 pm

السلام عليكم و رحمة الله و بركاته

فى البدايه…. هذا الكلام لأخواتى فى الله البنات المسلمات المشتركين فى الفيس بوك….
ولم أبتغى سوى وجه الله فى هذا الكلام… الدين الإسلامى حثنا على النصيحه
و كل الكلام ده من باب النصيحه وحب الخير للغير

فى بعض أخوتنا البنات بتحط صورتها على الفيس بوك و المنتديات….. أو صوره ممثله عاريه أو ..أو……
سنقسم الحديث إلى قسمين….

بتحطي صورك على الفيس بوك!! ممكن لحظة! 1012120231071e311428

بتحطي صورك على الفيس بوك!! ممكن لحظة! 1012120231071e311428

الأول…..كلمتى الى أخواتى البنات اللى بتحط صورتها الشخصيه كصوره للبروفايل بتاعها…
تخيلى لو واحد اخلاقه مش تمام وشاف صورتك (المحترمة جدا) وقعد يبحلق ويتفرج نص ساعة

طيب تخيلى ان اخينا ده خدها على موبايله وفرج اصحابه عليكى على انك صاحبته
طيب تخيلى انه بدأ يوزعها على الشلة

طيب تخيلى لو عمل بروفايل باسمك وحط فيه صورك وقال كلام مش تمام عنك
طيب تخيلى لو خد صورك وركب عليها صور ونشرها
أنتى دلوقتى أكيد بتقولى مش للدرجادى….أكيد مبيحصلش كده….

والله العظيم بيحصل…لأن الدين مستهدف من الجميع لأنه دين الحق فممكن يعملوا أى حاجه تفسد أخلاقنا
طيب أقرأى كلام ربنا لزوجات النبى (اعظم نساء الامة)

((فَلَا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلًا مَّعْرُوفًا))

على الرغم انهن أعظم نساء الأمه ومش ممكن واحدة من امهات المؤمنين يشك فيها
ولكن ربنا حذرهم من أصحاب القلوب المريضة وما اكثرهم هذه الايام

أنا كنت فى صفحه ما…وكان فيه شاب مسلم عمل جرووب بيدعى فيه البنات المسيحيات أنهم يشيلوا صورهم …
وكلمهم كلام عقلانى وجميل

جه واحد مسيحى ورد عليه وقال: ما فيه بنات مسلمات محجبات وبيحطوا صورهم على الفيس بوك !!!..للأسف…
بتحطي صورك على الفيس بوك!! ممكن لحظة! 101212023107e59e8117

بتحطي صورك على الفيس بوك!! ممكن لحظة! 101212023107e59e8117

طيب انا هسألك سؤال برىء

تقبلى ان حد غريب يصورك وانتى فى الشارع ((ومعنى كده أنه هيبقى عنده صوره ليكى ))

أكيــــد …لا طبعا
طيب ليه التنازل ده؟! طيب مش خايفه إنك تموتى…هيبقى مصير صورك أيه …تعرفى!!

فى(( بعض)) أخواتنا بيضعوا صورهم الشخصيه لعل وعسى…يأتى لها عريس وتتجوز قبل القطر ما يفوتها
(زى الأمهات ما بيقولوا..حسب فكرهم)
ومستغربوش فيه كده فعلاً
أنا هرد عليها بكلمات بسيطه جداً….

قال رسول الله صلى الله عليه وسلم… لا يحملن أحدكم استبطاء الرزق أن يطلبه بمعصية الله ، فإن الله تعالى لا ينال ما عنده إلا بطاعته
يعني اوعي علشان الرزق اتأخر شوية تعصي ربنا علشان تطلبيه(( بوضع صورتك الشخصيه ليراها كل من هب ودب))…

خليكي فاكره كويس…. ما عند الله لا ينال إلا بطاعته
وخلى الايه دى فى قلبك على طول…..

(وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ )

وتذكري أيضا قول الله تعالى:
وَلَوْ أَنَّ أَهْلَ الْقُرَى ءامَنُوا وَاتَّقَوْا لَفَتَحْنَا عَلَيْهِمْ بَرَكَاتٍ مِنَ السَّمَاءِ وَالأَرْضِ وَلَكِنْ كَذَّبُوا فَأَخَذْنَاهُمْ بِمَا كَانُوا يَكْسِبُونَ)

طيب فيه بعض البنات بيقولوا أنها ممكن تحط صورتها…. لأن أصحابها اللى موجودين عندها فى البروفايل كلهم بنات
فقولتلهم … طيب ممكن أى حد يشوفها لأنها صوره البروفايل….

ردوا عليا وقالوا ….. مافيش أى حد بيشوفها لأنى متصوره من بعيد ومش باينه لأى حد

الرد بسيــــط…من فتره كده سمعنا كلنا أن حصل أختراق لموقع الفيس بوك وتوقف كام ساعه
مع أنه موقع عالمى والمفروض أن مينفعش أى حد يخترقه..ولكن تم أختراقه
ساعتها بقى مش ممكن أى حد يأخد صورك ويعمل فيها اللى هو عايزه؟!!!

هيبقى أيه رأيك لما تلاقى صورتك مع ناس أنتى مش عارفاهم!!!

أختى فى الله أنتى غاليه عند ربنا أوى
اوعى تفرطى فى نفسك
اوعى تكونى زى الاكسسوارات الرخيصة من ايد للايد وعمرها قصير

غلّى نفسك بثيابك
غلّى نفسى بحجابك
غلّى نفسك بجلبابك
غلّى نفسك بأخلاقك
غلّى نفسك بلسانك
غّلى نفسك بكلامك
غلّى نفسك بألتزامك
غلّى نفسك بأصحابك
غّلى نفسك بأعمالك
خليكى غالية و اوعى تنسى
وفكرى نفسك دايما وقولى
انا مسلمة.. فأنا غالية

الأحد يناير 30, 2011 3:58 pm

برافو عليكي ياسارة موضوع قيم نسال الله الهداية لبناتنا والله صارت صورهم في كل مكان و لا يبالون باي شيء نسال الله الثباث

أختى فى الله أنتى غاليه عند ربنا أوى
اوعى تفرطى فى نفسك
اوعى تكونى زى الاكسسوارات الرخيصة من ايد للايد وعمرها قصير

غلّى نفسك بثيابك
غلّى نفسى بحجابك
غلّى نفسك بجلبابك
غلّى نفسك بأخلاقك
غلّى نفسك بلسانك
غّلى نفسك بكلامك
غلّى نفسك بألتزامك
غلّى نفسك بأصحابك
غّلى نفسك بأعمالك
خليكى غالية و اوعى تنسى
وفكرى نفسك دايما وقولى
انا مسلمة.. فأنا غالية