لا للخراب نعم لمصر

الأربعاء فبراير 02, 2011 3:33 pm

لا للخراب نعم لمصر

بعد ما تشهده مصر من حركات إحتجاجية ضد النظام تسعى لتخريب البلد نطالب عقلاء مصر وشبابها الواعى للإنضمام لنا لمنع تكرر أحداث تونس فى مصر فما يحدث من تحركات فى كل البلدان العربية تدعمه قوى غربية لها مصالح فى بلادنا كما يدعمه بعض المنتفعين من قلب النظام ولذلك يجب أن نتصدى لهم بكل قوتنا وكما انطلقت مخططاتهم من الفيس بوك تنطلق حماستنا وخوفنا على بلدنا الغالية مصر وعلى شعبها

رجاء يا جماعة الهدوء وشوية تفكير بدون انحياز ولا عصبية

الاول نسأل انفسنا اللي بيحصل ده لمصلحة مين وايه الايجابيات المتخيلة وايه السلبيات المتخيلة وبعدين نقول ونقرر حنقول نعم ولا حنقول لا

لو فعلا همنا مصر تعالوا نتناقش

الاول نتوقع يحصل ايه
اظن احتمال من احتمالين

1- استمرار الاحداث وسقوط النظام وعندها مش حيمسك مصر الا من سيوافق عليه الشعب وعلى الاقل اللي حيمسك حيفهم انه علشان يمسك ويستمر لازم يطعم الشعب الجوعان
فعلى الاقل ممكن تعيش البلاد ايام رخاء زي الايام التي تلت الثورات اقصد زي ايام عبد الناصر مثلا

2- الاحتمال الثاني انتهاء الاحداث ولجوء النظام الى محاولة رفع الظلم عن الشعب لانه من المستحيل يقدر يسيب احوال البلاد تتدهور اكثر لان رد الشعب قاسي زي ما شفنا

طيب يا جماعة في كلا الاحتمالين مصر هيه المستفيدة

طيب ليه نعارض اللي بيحصل
ايه وجه المعارضة
طيب احب اوضح كمان ان تحليلي للي بيحصل انه ترتيب من الاخوان ردا على موقف الحكومة معهم في الانتخابات فكان ردهم بمحاولة اسقاط النظام
وكمان استغلوا جوع الشعب وحرمانه
واضف الى ذلك قدر الله بما حصل في تونس اشارة رفعت الروح المعنوية عند كل ابناء الشعوب العربية المقهورة

طيب بغض النظر عن الايدي المنظمة لهذا الامر وبغض النظر عن مخالفاتهم الفكرية

اكررر السؤال اليس المستفيد في الاول والاخر هو المواطن المصري الغلبان وابناء مصر المقهورين؟؟؟؟

فلا يهم من هو المرتب للامر
لانه معلوم انه من المستحيل حتى لو سقط النظام ان يتولى حكم مصر الاخوان المسلمين مثلا لان الشعب لن يقبلهم في هذه المرحلة
وانما هم مجرد اداة مرتبة لوصول الشعب الى غايته
اما الحياة الطبيعية والرخاء او تغيير الحكم
وأنا لست من المتسرعين فى أرائهم ... وهنشمى مع بعض واحدة واحدة .. بالنسبة لأول توقع عندك وهو إن اللى هيمسك مصر لازم يوافق عليه الشعب فاعذرنى ده كلام خيالى ... اللى هيمسك الشعب هيكون شخص صنعه الناس اللى عايزة تقلب النظام أو أمريكا ويا ريت تشوف الحكام اللى اتحط فى العراق بعد سقوط صدام وأكيد هتفهمنى

وبالنسبة لأيام جمال لم تكن أيام وردية أعتقد إنك أكيد عارف إن اللى كان بيفتح بؤه بيتحول على السجن السياسى .. لا أعتقد إن ده هيكون أفضل للناس . ده غير إن حتى إيام عبدالناصر مش هنوصلها

لاحظ الفرق عبدالناصر شال فاروق وحط محمد نجيب كرئيس مؤقت لحد الدنيا ما تهدى وبعدين قعد هوه ... فى حالتنا دى مبارك هيتشال ومفيش بديل ... شوف الصراعات اللى ممكن تحصل فى البلد ... الحركات التحررية الجميلة هتتحول لوحوش كل واحد عايز ينهش جزء من السلطة ... ولك أن تتخيل

أما الإحتمال التانى فده اللى أنا بدعو ليه أصلا ولا اختلف معاك فيه ... لكن الواضح إن الأخوة المتظاهرون مستهدفين قلب نظام الحكم لأنهم مستهدفين المحافظات ومبانى الوزارات ... دول وصلوا لقصر الرئاسة ..

نعارض اللى بيحصل ليه :

1- لأنها همجية وفوضى وبنموت فى نفسنا وخلاص ( ده فى حالة إن الأمور استقرت )
2- لأن لو حصل إنقلاب هنكون دخلنا فى دوامة كبيرة ... أوضاع متردية مفيش حكومة ... السرقة والنهب ... فهتلاقى القوة البيضاء ( أمريكا الحبيبة ) بعتتلنا قوات حفظ الأمن ومنهم الأمريكان والأسرائلين والكوريين وأى حد معدى فى الشارع ... ويحطولك طرطور جميل اسمه رئيس وأحنا هنفرح بيه وفجأة تكتشف إنك وصلت لحالة أسوأ

وبالنسبة لأن الشعب هو المستفيد أى كان المخطط فده اسمحلى كلام غريب .. المخطط مخطط حاجة لمصلحته مش لمصلحتك وزى ما عرف يحركك بكل سهولة لإنقلاب ممكن يحركك لأسوأ دون أن تشعر أنك تؤذى نفسك

مش معنى كده إنى راضية بأحوال البلد ولا بنظام الرئيس اللى نعرفه أحسن من اللى منعرفوش ... أنا عايزة تغيير لكن مش بالأسلوب ده مش بأسلوب عرايس الماريونت اللى غيرها بيحركها بالخيوط ( خلينا نفكر بشكل عقلانى الدمار دمار ملوش اسم تانى عندى )

يا ريت أكون وضحت رأيى وزى ما قولت أنا مع التغيير وضد التخريب

الأربعاء فبراير 02, 2011 4:02 pm

انا عايزة تغيير لكن مش بالأسلوب ده مش بأسلوب عرايس الماريونت اللى غيرها بيحركها بالخيوط ( خلينا نفكر بشكل عقلانى الدمار دمار ملوش اسم تانى عندى )

يا ريت أكون وضحت رأيى وزى ما قولت أنا مع التغيير وضد التخريب

والله ياستاذ محمود مش حد هيجي احسن من الريس حسني مبارك وربنايستر عليك يامصر بعد الريس يايرحل

حمد لله على السلامة ياياخي ياريت تتواصل معانا على طول كفايا غياب

الأربعاء فبراير 02, 2011 4:18 pm

انا أؤيد سيادة الرئيس محمد حسنى مبارك و سأعمل جاهدا فى موقعى و كافة المواقع الاجتماعية لعمل حمله له كى يترشح ثانيا لفترة رئاسة جديدة ان شاء الله

و كما قال سيادة الرئيس الوطن باق و الاشخاص زائلون

لكن انا اقول ان الوطن باق بك سيادة الرئيس و ليس بدونك

عاشت مصر

مصر=محمد حسنى مبارك

الأربعاء فبراير 02, 2011 5:03 pm

هو ده المصري بصحيح ده الفرعوني بجد وانا اويد رايك يامستر ربنا معاك

الخميس فبراير 03, 2011 5:57 pm

الله يفرجها عليكم و الحمد لله على سلامتكم

لا للخراب نعم لمصر

لا للخراب نعم لمصر

رد: لا للخراب نعم لمصر

رد: لا للخراب نعم لمصر

رد: لا للخراب نعم لمصر

رد: لا للخراب نعم لمصر