يعني ايه كلمة صحوبية ؟

الإثنين يوليو 18, 2011 7:46 pm

يعني ايه كلمة صحوبية ؟!

يعني بنوتة جميلة تروح ضحية .. شاب طايش مش متحمل مسوؤليه
يعني دنيا جميله رومانسية .. يعني لمسة حنونة بس مش شرعية

يعني ايه كلمة صحوبية ؟!

يعني وردة من حبيبي .. بس شوكها كله أذية
يعني اه كان جنبي امبارح .. بس بكرة هيغدر بيا

يعني ايه كلمة صحوبية ؟!
يعني فترة و بيقضيها .. لعبة حلوة بيتسلى بيها
ولو هيتكلم جد خطوبة او جواز .. مش هيبقى هى !!

يعني ايه كلمة صحوبية ؟!
يعني اضيع عمري و أكسر قلبي .. على واحد ميستهلش الحنية
يعني ربي يغضب مني .. يعني اهلي هانوا عليا

عرفتي بقى معني كلمة صحوبية !!

فوقي لنفسك قبل ما بكرة تكوني ضحية

ولو غلطي مرة عادي .. كلنا بنغلط عشان نتعلم و نصلح جوانا النية

ادعي ربنا يرضى عنك .. ويهون عليكي ايامك الجاية

لحد ما يجي فارس حلمك .. وتعيشي في بيته متهنية

هي دي اخلاقي .. هو ده ديني

مخليني جوهرة غاليه و بيكرم فيا

عمر ما كان ديني بيخنقني .. ولا كان قصده يظلم فيا

ربي اختار لي تاج العفة و الشرف .. و ده من حبه و كرمه عليا

عايزة اقوم و اقول للعالم .. لأ من قلبي للصحوبية

ايــــوة انـــا مــبـــصــاحــبــش ? ?

أيوه حقولها بأعلى صوتي

وحفضل أكرر فيها لحد موتي
...
و ميهمنيش يتقال عليا مغروره

او بنت شايفه نفسها و منفوخه

ليا حق اني ارفع راسي و على عفتي ابقى مسنودة

ايــــــوة انـــــا مـــبـــــصــــاحــــبــــش

و مش مدايقة او مخنوقة

واياك تقول عليا مكبوتة

او م المتعة محرومة

بالعكس ده من غيري محسودة

و من اللي بيفهموا مطلوبة

انا بنت عشت و حعيش شريفة

و حيائي ليا ميزة

عالأخلاق حفضل ماسكة

و عالقيم دايما حكون ثابتة

انا عشت و حعيش بعفتي و بيها حفضل فخورة

ايدي متمسكتش و عمرها ما حتبقى ممسوكة

انا جسمي عليا غالي

ميبانش الا لحلالي

و عمري ما حفكر اني أخونة

او اضيع حق من حقوقة

ده انا بنت ناس طيبين

متعوب عليا كتير

مبعش نفسي بالرخيص

عشان حنيّه لوحدتي تكون تعويض

او كلمة حلوة تخلي ثقتي ف نفسي تزيد

و كل ده لحد ميستاهلنيش

بس عايز يلعب بيا

و يضيّع وقت فراغه عليا

انا أضحيله بنفسي وهو يبيعني و يجرح فيا

شخص استغلالي مليان انانية

انا بالنسباله هدف و غرضه الاستمتاع بيا

شغلته هي التحكم فيا

ماعاش اللي يفرض نفسه و سيطرته عليا

انا روحي للمعصية أبيّه

الطاعه بالنسبالي هي الحريه

انـــا قـــلــــبـــي مـــلــــك ربـــــي

و ربـــي ده حـــبـــيـــب قـــلـــبـــي

فابعد عني يا ابني

و اياك تحاول تكسبني

ده انا رضايا صعب الوصول

و النظر ليا ده شيء ممنوع

أما حبي بقى

فيحتاج حروب

واوعى تفكر انك عليا تلف و تدور

و تفضل تقول ف كلام معسول

لا لا

انا مش من دول

انا اللي احترامي جزء من كياني

انا اللي علاني جعل الجنة تحت أقدامي

وقالك اوعى تلمس ده انت حتى عليا متبصش

ده انا اللي ربنا خلقك فيا

وجعلك قوام عليا

و اللؤمة تحطها ف بقي تبقالك صدقة و تكون منك رومانسية

و ان جربت تخلي ايدك تحضن ايديا

تنزل ذنوبك من بين دفىء العشق اللي هو طاعة ليا

بص يا ابن الحلال انا غير طريق بيتنا معرفش اوصف

و غير جوزي مبحبش

طريقي واحد مليش لغيره سبيل

يا حلال و ربي راضي

يا تشوفلك غيري وواضح كلامي

انا قلت كل ده عشان عيزاك تحافظ عليا

ومتشوفنيش سهلة او لحبك مستنية

صحح مفهومك انا عن رضا ربي و حب النبي مش مستغنية

ياريت تقدر ان ضعفي ده قوة موجودة فيا
ايوه قلبى ده ملك ربـــى وربى ده حبيب قلبــــــى