الدجاج معمر ومحمر بطريقة طيابة محترفة

السلام عليكم




الدجاج معمر ومحمر بطريقة طيابة محترفة هي ليتنجيبو في المناسبات طيابها تحفة

المقادير

3دجاجات مغسولين مزيان ومرقدين في الما والطحين والحامض وبصلة مربعات كبار وسكين اجبير واحد 2سوايع ومشلين مزيان ومسقطرين مزيان من الماء
شرمولة
لب نصف مصيرة
ضامة زعفران
زعفران الحر
6فصوص ثوم الربيع +م سمن +كاس زيت بلدي ورومية مخلطين+كاس ماء
م سكسن جبير +م ابزار+م خرقوم بلدي +خرقوم عادي +
م مروزية ديال الدجاج مكونة من /ابزار ابيض+باديان+بسيبيسة+قليل قعقلة+نويويرة+ الكبابة /

العمارة

كبادي +قلوب الجداج مسلوقين ومقطعين +قليل من شرمولة +الزيتون مقطع +قليل جدا هريسة ليحب +الشعرية الصينية مرطبة في ما طايب
للنصيب
بصلة مشنفة رقيقة جدا +الماء الكافي +قرفة عواد +3 وريقات سيدنا موسى

الطريقة

تنشرملو الدجاج مزيان بشرمولة وتنخليوه يشرب ليلة كاملة او 3سوايع على الاقل لكن مزروبين ونعمروه بالعمارة ديالو
وتنعملوه في الطنجرة وتنخويو عليه الاما ختى للنصف + الشرمولة ليشاطت+القرفة وورقة سيدنا موسى ونعملو الدجاج على جنابو باش مطرطقش الجلدة ديال صدر ومنين يغلي نقلبوه على جميع الجهات باش ياخض اللون ونتقبوه مزيان بشي قطيب وخليوه واحد 1/4ساعة ونزيدو البصلة والزيت ونزلو لغلاقة ديال الطنجر حتى للنصف باش يتشمع الدجاج وميتحلشيونخليوه حتى يطيب ومرة مرة نتكوه النار تكون قليلة ومن الاحسن يطيب على الفحم تيجي لديد بزاف
ومنين يطيب نخليوه حتى يبرد مزيان ويقلى في الزيت من الاحسن او يدهن بالزبدة وقليل موطارد وكنور الدجاج محكوك ويخل الفرن حتى يتحمر
ونقبطو الكبدة والقنصة نسلقوهم ونزيدوهم في الطنجرة ونحركو مزيان حتى يطيب الكل وتعقاد لاصوص اوتوقف المرقة في ايدامها
ويقدم حسب الموجود هاد الطبق متتكونشي فيه لاصوص بزاف جهد واحد الملعقة صافي
انا عملتو بالاناناس معسل والبرقوق معسل والكركاع مسوطي في الزبدة والسكر
وبالصحة

تسلم ايدك يا امول ولكن هدا درس مهم لام سلوان كلو لهجه مغريبيه هههههههههه ممكن تلقيهم عند العطار يا روضه